Капитрон банк: Зээлийн хүүгээ 10%-25% чөлөөллөө
Коронавирус (Ковид-19)-ийн цар тахал, түүний улмаас тогтоосон хорио цээр нь аж ахуйн нэгж, иргэдийн санхүү, төлбөрийн чадварт сөргөөр нөлөөлж байгаатай холбогдуулан Капитрон банкнаас шат дараалсан шийдвэрүүдийг тухай бүр нь гаргаж, боломжит арга хэмжээнүүдийг авч ажиллаж байгаа билээ.
Капитрон банк энэ хүнд үеийг харилцагчидтайгаа хамтдаа даван туулах, Жижиг дунд бизнес эрхлэгчдийг дэмжих зорилгын хүрээнд зээлдэгчдээс ирүүлсэн хүсэлтийг үндэслэн ЗЭЭЛИЙН ХҮҮГ ХЭСЭГЧЛЭН ЧӨЛӨӨЛӨХ талаар дараах шийдвэрүүдийг гаргалаа.
- Цалингийн зээлтэй иргэдийн 2020 оны 4, 5, 6 дугаар саруудын хүүгийн төлөлтийн 25%-ийг чөлөөлөх;
- Коронавирус (Ковид-19) цар тахал, түүнтэй холбоотой тогтоосон хорио цээрийн улмаас үйл ажиллагаа нь зогссон болон борлуулалтын орлого нь 50%-иас дээш буурсан “Жижиг дунд бизнес эрхлэгчид”-ийн 2020 оны 4, 5, 6 дугаар саруудын хүүгийн төлөлтийн 10%-ийг чөлөөлөх, зээлийн үндсэн төлбөрийг 6 сар хүртэлх хугацаагаар хойшлуулах;
- “Жижиг дунд бизнес эрхлэгчид” гэдэгт 2019 оны жилийн борлуулалтын орлого нь 1 тэрбум төгрөгөөс доош байсан аж ахуйн нэгжүүд хамаарна.
- Борлуулалтын орлогын бууралтыг тооцохдоо 2019 оны 1-р улирлын борлуулалтын орлогыг 2020 оны 1-р улирлын борлуулалтын орлоготой харьцуулна.
- Цалингийн зээл: Банкны зүгээс тухайн сард төлөх эргэн төлөлтийн хуваарийн дагуу зээлийн хүүгийн төлөлтөөс 25%-ийг автоматаар чөлөөлж, сар бүр таны гар утсанд мессэж хүргүүлнэ.
- Жижиг дунд бизнес эрхлэгчид: Та 2020 оны 4 дүгээр сарын 30-ны өдрөөс өмнө ЭНД дарж онлайнаар хүсэлтээ илгээх бөгөөд бид таны Банкинд мэдээлсэн бодит орлогод үндэслэн “Жижиг дунд бизнес эрхлэгчид” (2019 оны жилийн борлуулалтын орлого нь 1 тэрбум төгрөгөөс доош байсан аж ахуйн нэгж)-д хамаарах эсэхийг шалган эргэн холбогдож, энэхүү хөнгөлөлтөд хэрхэн хамрагдах талаар мэдээллийг хүргүүлэх болно. Мөн та хүсэлтээ салбар, нэгжид хандан гаргах боломжтой.
“COVID-19” Хамтдаа даван туулъя – Капитрон банк
- Шинэ мэдээ
1 Сэтгэгдэл