Да Дун дүрслэх урлагийн үзэсгэлэн”-ийн бүртгэл эхлэлээ

Тайваний Тайчун хотын захиргаанаас энэ 2025 онд “30 дахь удаагийн Да Дун дүрслэх урлагийн үзэсгэлэн”-г зохион байгуулах гэж байгаа бөгөөд үзэсгэлэнгийн бүртгэл энэ оны 4-р сарын 1-ний өдрөөс4-р сарын 15-ны өдөр хүртэл явагдана. Уг үзэсгэлэнд иргэншил харгалзахгүй, бүх төрлийн материалыг ашиглан нийт 11 ангилалд бүтээлээ ирүүлэх боломжтой юм. 2023 онд Монгол Улсын уран бүтээлчид болох Н.Насанбат, Д.Азжаргал нар тус үзэсгэлэнд амжилттай оролцож, бүтээлүүд нь тосон будгийн төрөлд шалгарсан билээ. Энэ удаад ч мөн монголын уран бүтээлчид илүү олон төрөлд оролцон амжилт гаргана хэмээн найдаж байна.

Үзэсгэлэнгийн гран-при шагнал болох“Да Дуны дүрслэх урлагийн шагнал”-днийт 5 уран бүтээлч шалгарах ба уран бүтээлч тус бүр 38,000 шинэ тайвань доллар буюу (ойролцоогоор 11,620 ам.доллар) хүртэх бөгөөд оролцогчид эхний шатанд “Да Дун дүрслэх урлагийн үзэсгэлэн”-ийн албан ёсны вэбсайтаар дамжуулан онлайнаар бүртгэлээ хийх ба хэрэв бүтээл нь дараагийн шатанд шалгарвал зохион байгуулагчдын зүгээс албан ёсны мэдэгдэл илгээн бүтээлийн эх хувийг явуулахыг хүсэх юм. Ангилал бүрээс эхний 3 байрт шалгарсан оролцогчид 2025 оны 10 сарын 18-ний өдөр Тайчун хотод зохиогдох шагнал гардуулах ёслолд оролцон шагналаа өөрийн биеэр гардан авах ба зохион байгуулагч талаас оролцогчдод зориулан 4 өдөр, 3 шөнө байрлах газрын зардлыг хариуцна.

Тайваниас Монгол улсад суугаа Төлөөлөгчийн газар 2022 онд Монгол Арт Галерей-тай хамтран Да Дун дүрслэх урлагийн үзэсгэлэнд шалгарсан “Монгол болон Тайвань уран бүтээлчдийн хамтарсан үзэсгэлэн”-г амжилттай зохион байгуулснаас гадна өмнөх жилүүдэд тус үзэсгэлэнд шалгарсан болон нэр дэвшсэн монгол уран бүтээлчдийн бүтээлийг амжилттай танилцуулсан. Өмнөх жилүүдэд мөн монгол уран бүтээлчдийн бүтээл жин даран оролцож, онцгойрч байсан бөгөөд дэлхийн 19 улсын 74 бүтээлийн 24 нь монгол уран бүтээлчдийн бүтээл байв.Цаашид ч олон монгол уран бүтээлчид олон улсын тавцанд гарч гялалзсан амжилтыг үзүүлнэ гэж тус Төлөөлөгчийн газрын зүгээс итгэж байна.

“Да Дун дүрслэх урлагийн 30 дахь удаагийн үзэсгэлэн”-ийн англи хэл дээрх удирдамж (Rules of Regulations) болон бүртгэлийн маягт (Entry Form)-ыг доорх холбоосоор татаж авна уу.

Rules and Regulations/Entry Form