Хөдөлмөрийн баатар П.Цэрэндагва батлан хамгаалах үйлсэд зүтгэнэ
"Үхэж үл болно” киноны Жамуха зэрэг олон түүхэн бүтээлийн дүрээр нь хүн бүр таних Монгол Улсын Хөдөлмөрийн баатар, Ардын жүжигчин П.Цэрэндагва Батлан хамгаалахын сайд С.Бямбацогттой уулзаж, батлан хамгаалах салбарын 2025 оны бодлого, зорилтын талаар яриа өрнүүлжээ.Батлан хамгаалах яам энэ оныг “Эх оронч Монгол-Их сэргэлтийн жил” болгон зарласан байна.
Үндэсний сөрөн тэсвэрлэх чадавхыг нэмэгдүүлэх, эх оронч үзлийг төлөвшүүлэх бодлого, зорилтынхоо хүрээнд Хөдөлмөрийн баатар П.Цэрэндагва тус салбарт хамтран ажиллахаар ярилцсан аж.
Эх орны хүү болохоор эр цэргийн албаа хааж байгаа байлдагч нарт тэрээр эх оронч үзэл, хандлага, элгэн садан, эцэг эхээ хайрлан хүндэтгэх, хүн байхын утга учир, мөн чанар эх орон, тусгаар тогтнол, үндэсний дархлаа гэхчлэн өргөн сэдвээр лекц унших юм байна.
Хөдөлмөрийн баатар П.Цэрэндагва энэ жил 77 насыг зооглож байгаа билээ.
- Шинэ мэдээ