Олимпын гүүрийн хэв гажилтын заадсыг 13-ныг хүртэл шөнийн цагаар засна

Зураг (тайлбарын, архивын): Sebacalka / Wikimedia Commons, CC BY-SA 4.0

Улаанбаатар хотын Олимпын гүүрийн хэв гажилтын заадсыг засварлах ажил 10 дугаар сарын 5-нд эхэлсэн бөгөөд 13-ны өдрийг дуустал үргэлжилнэ. Ажлыг зөвхөн шөнийн цагаар, 23:00-аас маргааш 07:00 цаг хүртэл гүйцэтгэж байна.

Засварын хугацаанд өдөр бүр шөнийн цагаар нийт 862 метр замыг түр хаана. Иймд энэ чиглэлээр шөнө зорчдог жолооч нар болон иргэд бусад замыг ашиглахыг Нийслэлийн Замын хөгжлийн газраас анхааруулжээ.

Хэв гажилтын заадас гэдэг нь гүүрний хоёр хэсгийн холбоосыг хэлэх бөгөөд температурын өөрчлөлт, ачааллын нөлөөгөөр гүүр тэлж, агших үед гүүрийг гэмтээхгүй байх үүрэгтэй. Заадас хэв гажвал замын хөдөлгөөний аюулгүй байдал, гүүрийн эдэлгээнд нөлөөлдөг тул тогтмол засварлах шаардлагатай байдаг.

Олимпын гүүр болон түүнтэй холбогдох замын сүлжээ нийт 1.4 км гүүр, 2.5 км замтай. Энэ төслийн барилгын ажил 2016 оны 11 дүгээр сард Замын цагдаагийн албаны орчим эхэлж, 2022 онд ашиглалтад орсон.

Шөнийн цагаар энэ чиглэлээр явах бол хөдөлгөөний чиглэл, түр хаалтын мэдээллийг урьдчилан лавлаж, хугацаагаа тооцоолон гараарай.