ЭМГЭНЭЛ

Дамбийгийн ХАНДСҮРЭН

/1938-2025/

МАН-ын ахмад зүтгэлтэн, бидний хайрт ээж, эмээ Дамбий овогтой Хандсүрэн нь 2025 оны 3 дугаар сарын 16-ны өдөр өвчний улмаас таалал төгсөж, гэр бүл, үр хүүхэд, төрөл төрөгсдөд нөхөж баршгүй хүнд гарз тохиолоо. 

    Д.Хандсүрэн нь 1938 онд Улаанбаатар хотод төрсөн. Бага насаа эцэг эхийн гар дээр өнгөрөөж, 1946-1956 онд Нийслэлийн 5 дугаар сургууль, 1956-1960 онд ЗХУ-ын Ленинград хотод Кино үйлдвэрийн дээд сургуульд суралцаж байсан. 

Тэрээр хүүхэд насандаа “Цогт тайж” кинонд туслах дүр бүтээж, бидний сэтгэлд өөрийн дүрийг тодоос тод мөнхөлсөн байдаг.

    1959 онд өөрийн хань Л.Нацагдоржтой гэр бүл болж 6 сайхан хүүхдийн эцэг, эх болсон. Тэрээр 1963 онд Булган аймгийн Хувьсгалт залуучуудын эвлэлийн хорооны II нарийн бичгийн дарга, “Жавхлант” клубын эрхлэгчээр, 1976-1978 онд Хуулийн дунд сургуулийг хуульч мэргэжлээр суралцаж төгсөөд ном хангамжийн баазад орос номын мэргэжилтнээр, 1978-1986 онд “Монгол Кино” үйлдвэрт кино механикчаар ажиллаж байгаад гавьяаны амралтад гарсан.

   Д.Хандсүрэн нь “Алдарт эх”-ийн I,II одон, Монголын Залуучуудын хөдөлгөөний 90 жилийн ойн медаль, МАН-ын ахмад зүтгэлтэн, 100 жилийн ойн медалиар тус тус шагнагдсан бахархан дуурайх үйлстэн байлаа.

    Талийгаачийн үнэнч шударга, зарчимч, хөдөлмөрч, улс эх орондоо хийж бүтээсэн үйлс бүхэн нь бидний сэтгэлд үүрд мөнх дурсагдаж, үлгэр дууриалал үлдээсээр байх болно. 

         

Үр хүүхэд, төрөл төрөгсдөд нь гүн эмгэнэл илэрхийлье.

УМ МА НИ БАД МЭ ХУМ

2025.03.17