Түр хаасан болон түр хаах авто замууд

Чингэлтэй дүүргийн Засаг даргын 2025 оны 04 дүгээр сарын 02-ны өдрийн А/116 дугаар захирамжийн дагуу “Чингэлтэйн фестиваль-2025” арга хэмжээ зохион байгуулагдаж байна.

Арга хэмжээний хүрээнд 2025 оны 05 дугаар сарын 16-ны өдрийн 21:00 цагаас 2025 оны 05 дугаар сарын 17-ны өдрийн 23:00 цаг хүртэл Анкарагийн гудамж (СУИС-ийн уулзвараас Хүнсний 1-р дэлгүүрийн уулзвар хүртэл), Самбуугийн гудамж (Хүнсний 1-р дэлгүүрийн уулзвараас Тэнгис кино театрын баруун гарц хүртэл) авто замын хөдөлгөөнийг түр хугацаанд хязгаарласан тул иргэд жолооч та бүхэн бусад замыг сонгон хөдөлгөөнд оролцохыг зөвлөж байна.

Дашрамд сонирхуулахад, Чингэлтэй дүүргийн Засаг дарга иргэдийн санал хүсэлтийг өөрөө шууд хүлээн авч эргэж үр дүнг нь тайлагнадаг newchingeltei цахим системийг өнөөдрөөс хэрэглээнд нэвтрүүлж байгаа юм байна.

Мөн дараах байршлуудад авто замын хөдөлгөөнийг түр хаана.

Хан-Уул дүүргийн 10 дугаар хороо, Залуус-I орон сууцны хорооллын гаднах дулааны шугам сүлжээний угсралтын ажлын хүрээнд Морингийн даваа чиглэлд Наадамчдын гудамжийг 5 дугаар сарын 17-ны оройн 23:00 цагаас 5 дугаар сарын 18-ны өглөөний 06:00 цагийн хооронд хаана.

Энхтайваны өргөн чөлөөний авто замыг шинэчлэх ажлын хүрээнд БГД-ийн 6, 8, 19 дүгээр хороо, 10 дугаар хорооллын “МТ” ШТС-ын уулзвараас “Төмөр замын дээд сургууль”-ийн уулзвар хүртэлх авто замыг 5 дугаар сарын 17-ны өдрийн 23:00 цагаас 19-ний өдрийн 06:00 цаг хүртэл хааж, шинэчилнэ. Иймд иргэд, жолооч та бүхэн бусад замыг сонгон хөдөлгөөнд оролцоно уу.