Агаараас эрэн хайх, аврах ангийн тусгай баг ГССҮТ-тэй хамтарч иргэдэд яаралтай тусламж үзүүллээ

Өвөрхангай аймагт осолдсон иргэдийг өнгөрөгч өдрүүдэд Агаараас эрэн хайх, аврах 111 дүгээр ангийн тусгай баг нийт гурван удаагийн нислэгээр тээвэрлэн авчирсан бөгөөд ГССҮТ-ийн Яаралтай тусламжийн тасаг, Эрчимт эмчилгээний тасаг, Мэс засал, мэдээгүйжүүлэгийн нэгдсэн тасаг, Хавсарсан гэмтлийн мэс заслын тасагт шаардлагатай тусламж үйлчилгээг түргэн шуурхай үзүүлэн эрүүл мэнд, амь насыг нь аварсан байна. 

2019 оноос эхлэн тус төвтэй хамтран ажиллаж буй Агаараас эрэн хайх, аврах 111 дүгээр ангийн хувьд ГССҮТ-ийн Яаралтай тусламжийн тасаг, Эрчимт эмчилгээний тасагт тусгай багийн эмч, сувилагч нарыг тодорхой хугацаанд сургаж дадлагажуулах, хамтарсан үзлэг оношилгоо, мэс засал эмчилгээ хийх зэргээр мэдлэг, ур чадварыг нь нэмэгдүүлж байгаа юм.