“Дада” яаж амьд гарсан бэ?
"Этик” продакшны 3 дахь уран бүтээл болох “Хэлгүй жим” киноны гол дүр “хэлгүй” Дадаг таньж мэдэхгүй хүн ховор биз ээ. Өрөвдөлтэй, тусч, сайхан сэтгэлтэй тэрбээр гэнэт хэлтэй төдийгүй харь элгийн хүн болох нь тодорхой болж нөхөрлөлөөсөө урвадаг. Үзэгчдийн хамгийн их сэтгэлийг хөдөлгөсөн Дада тэгвэл яагаад ингэх болсон учир шалтгааныг “Этик”-ийн залуус дэлгэцийн 10 дахь бүтээл болох “Дада” УСК-гоороо тайлж байна.
“Хэлгүй жим” кино гол дүрүүдийн харамсалтай үхлээр төгсдөг. Тэгвэл Дада хэрхэн амьд үлдсэн нь үзэгчдийн сонирхлыг ихээр татаж байна. Түүний түүх хэрхэн өрнөхийг, амьдрал нь үргэлжлэх үү, төгсөх үү гэдгийг “Дада” УСК-ноос хүлээн авч үзээрэй. Дашрамд дурдахад, “Хэлгүй жим” УСК 2019 онд хийгдэж, 2020 онд дэлгэцнээ гарч тухайн жилдээ хамийн их үзэлттэй кино болсон юм.
Нэмж сонирхуулахад “Этик” продакшн 2018 оны аравдугаар сарын 26-нд үүсгэн байгуулагдсан. Тэд дэлгэцийн хамгийн анхны бүтээл болох “Хүний цаана” УСК-гоо олны хүртээл болгосноос хойш “Цуурхал”, “Amure”, “Хэлгүй жим”, “Үнэн хайр”, “Хуулиас гадуур”, “Мардай”, “Хар ажил”, “Наймаа” зэрэг бүтээлүүдээ толилуулж, үзэгчдээс өндөр үнэлгээ авсаар байгаа билээ.
Харин тэдний шинэ уран бүтээл “Дада” УСК энэ оны аравдугаар сарын 18-наас бүх кино театруудаар гарч эхлэхэд бэлэн болжээ.
Холбоотой мэдээ
- Шинэ мэдээ