Хятад иргэдийг барьцаалж, нэгийнх нь амийг хөнөөсөн хэрэгт дөрвөн хүнийг шалгаж байна

Төв аймгийн Сэргэлэн сумын нутаг дэвсгэрт БНХАУ-ын 2 иргэнийг барьцаалж, ар гэрээс нь мөнгө нэхэн зодож, улмаар  БНХАУ-ын 1 иргэний амь насыг хохироож, 1 хүний эрүүл мэндэд хохирол учруулсан хэрэг гарлаа. Тухайн хоёр иргэн Бээжин-Улаанбаатар чиглэлийн нисэх онгоцоор энэ сарын 05-ны өдөр "Чингис хаан" нисэх буудалд буусан бөгөөд тэднийг энд түр оршин суудаг нутаг нэгтнүүд нь тосож авчээ. Энэ үед 22, 23 настай хоёр залуу тэднийг барьцаалж, багагүй хэмжээний мөнгө нэхэж, 32 настай В гэх хятад эрийг буудаж амийг нь егүүтгэсэн байна.

Хэрэг гарсан даруйд ТЦА-ны Иргэний агаарын тээврийн Цагдаагийн хэлтсийн ажилтнууд гэмт этгээдүүдийг саатуулж, хэргийн газрыг хамгаалалтад авсан бөгөөд уг хэрэгт БНХАУ-ын 2, Монгол Улсын 2 иргэнийг холбогдуулан шалгаж, цагдан хорих таслан сэргийлэх арга хэмжээ авч, мөрдөн шалгах ажиллагаа явуулж байна.