"Хурд" хамтлагийн бидний мэдэхгүй түүхийг "Бүсгүй" өгүүлнэ

2025 оны хамгийн халуун, сэтгэл хөндүүрлэх, зүрх догдлуулах болзооны кино хэмээн тодорхойлж буй "Бүсгүй" уран сайхны кино олны хүртээл болоход бэлэн болж, маргааш /2025.01.16/ нээлтээ хийх гэж байна. "Хурд" хамтлагийн супер хит дуу болсон "Бүсгүй" дуунаас сэдэвлэсэн драм төрлийн тус уран бүтээл нь 133 минут үргэлжлэнэ. Энэхүү кино нь онгод хөглөсөн хайрын түүхээс гадна тосгоны залуусын рок замнал, "Хурд" хамтлагийн бидний мэдэхгүй түүхийг хуваалцах гэнэ.

Киноны агуулгаас товч дурьдахад, өөрийн амьдралаа хийл хөгжимд зориулсан авьяаслаг, үзэсгэлэнтэй бүсгүй Манхгэрэл нэг л өдөр хөгжимчний карьертаа цэг тавих шаардлага тулгарна. Тэр өдрөөс эхлэн түүний амьдрал нэгэн хэвийн, уйтгартай өрнөх болсон ч санаандгүй байдлаар өсч яваа рок хамтлагийн ахлагч Чинбат хэмээх залуутай учирна...

Хайр, хөгжим, мөрөөдлийн засд хувь тавилангийн эргүүлэг хэрхэн нөлөөлөхийг "Бүсгүй" уран сайхны киноноос таашаан үзээрэй.