Ерөнхий сайдын гэргий Англид амьдардаг

Манай Ерөнхий сайд эхнэртэй юу, эхнэрээсээ салсан уу, жүжигчин Г.Дөлгөөнтэй романс, учир жанцантай гэх мэт Л.Оюун-Эрдэнийн хувийн амьдралтай холбоотой цуу яриа цөөнгүй. Угаас нуусан юм бүхэн цуу болдог жамтай.

Ерөнхий сайдын гэргийг Б.Туул гэнэ. Тэд 10 жилийн нэг анги төдийгүй гэргий нь тоондоо сайн, Ерөнхий сайд маань муу учраас тооны хичээл зааж өгсөөр нэг гэрт орсон хөөрхөн түүхтэй. Энэ тухай Ерөнхий сайд маань “Дунд сургуульд байхад надад хамгийн ихээр тусалдаг байсан хүн бол ангийн минь охин Б.Туул. Б.Туул бид хоёр бага ангиасаа найзалж, наймдугаар ангиасаа үерхээд, оюутан байхдаа гэрлэж, хоёр хөөрхөн хүүтэй болсон. Эхнэр минь олны өмнө гарч, нэр хүнд хөөх дургүй хүн. Намайг гишүүн болсноос хойш манай өрөөнд нэг ч удаа ирж үзээгүй” гэж ярьсан нь бий.

Б.Туул хатагтай 2019 онд нярайлж 3 дахь хүүхдээ төрүүлсэн бөгөөд тэрээр хүүхдүүдтэйгээ Англи улсад амьдардаг гэнэ лээ.