Ө.Эрдэнэбулган: Хүн зурах хамгийн хэцүү
"Флоренцийн дэг сургууль" уран зургийн үзэсгэлэн үзэгчдэд үүдээ нээлээ. Өмнөговь аймгийн Хөгжимт драмын театрт нээсэн Монголын урчуудын эвлэлийн гишүүн, МУСТА зураач Ө.Эрдэнэбулганы уг үзэсгэлэн нь Түмэн тэмээний баярын өдрүүдэд үзэгчдийн хүртээл болж байгаа нь санамсаргүй тохиолдол байсныг онцолж байна.
Төрсөн нутагтаа анх удаа үзэсгэлэнгээ дэлгэж буй Алтан гадас одонт тэрбээр Дүрслэх урлагийн дээд сургуульд суралцаж төгсөөд ОХУ-ын Репиний нэрэмжит урлагийн академи, Итали улсын Флоренцийн уран зургийн академийг дүүргэсэн уран бүтээлч юм.
Үзэсгэлэнгийн тухайд хүн, байгаль, амьтны бодит мэт бүтээлүүдийг дэлгэсэн байх бөгөөд Ө.Эрдэнэбулган зураачийн тайлбарласнаар хүн зурах хамгийн хэцүү, хүнийг маш сайн зурж чаддаг болсон үед бусдыг нь зурж чадна гэж үздэг байна.
Түүний хувьд өмнө нь дотоод, гадаадад хамтарсан болон бие даасан 9 үзэсгэлэн гаргаж байжээ.
- Шинэ мэдээ
1 Сэтгэгдэл