Хөх сувд-2025: Яарах хэрэггүй ес хоног шүү дээ

“Хөвсгөл Хөх сувд-2025” олон улсын мөсний наадам Монголын гайхамшиг мөсөн урлалын тэмцээнээр эхэлнэ.Өнгөрсөн жилүүдэд “Хөх сувд” олон улсын мөсний баяр зөвхөн амралтын хоёр өдөр зохион байгуулагддаг байсан. Жил бүр сонирхох, оролцох зочдынх нь тоо өсч буй тус наадам энэ жил 02 сарын 13-22-ны өдөр Хөвсгөл аймгийн Хатгал тосгоны “Хайчийн ам”-д ес хоног үргэлжлэх юм.

Маргааш буюу 02 сарын 13-ны наадмын эхний өдөр мөсөн урлал, тэшүүрийн тэмцээн, “Хөвсгөл” брэндийн үзэсгэлэн худалдаа, мөсөн дээрх буухиа тэмцээн зэрэг зохиогдох бол 02р сарын 14-ны өдөр мөсөн волейболын тэмцээн, цаатан хотхоны нээлт, Хөвсгөл нутгийн олон угсаатны урлагийн тоглолт гээд бүх өдрүүд үзүүлбэр, тоглолт, тэмцээнүүдээр дүүрэн байх нь.

 “Хөх сувд 2025” олон улсын мөсний баярын мөсөн хотхоныг “Монголын гайхамшиг” сэдвийн хүрээнд Д.Цэрэнбат ахлагчтай мэргэжлийн баг урлаж дуусгаад байна.

 “Хөвсгөл Хөх сувд” олон улсын мөсний наадмын хүрээнд “Хөх цом” яруу найргийн наадмыг  зохион байгуулагдана. Яруу найргийн эхний  шатанд 45 найрагч бүтээлээ ирүүлснээс 2-р шатанд оролцох 10 найрагчийн нэрс тодорчээ.

Өнгөрсөн жил “Хөх сувд 2024” мөсний баярыг дотоод, гадаадын 50 000 кочид, аялагч амрагчид үзэж сонирхсон. Сүүлийн груван жилд зочдын тоо 5 дахин өссөн гэж Хөвсгөл аймгийн Засаг даргын тамгын газар, холбогдох яам мэдээлж байв.