Цагдаагийн алба хаагчид 12 тэрбум төгрөг залилсан хэрэгт шалгагдаж байна

Сонгинохайрхан дүүргийн Эрүүгийн тасгийн ахлах мөрдөгч Б.Галтбаатар, Эрүүгийн цагдаагийн албаны Зохион байгуулалттай гэмт хэрэгтэй тэмцэх хэлтсийн ахлах мөрдөгчөөр ажиллаж байсан н.Ууганбаяр нар нь бусадтай бүлэглэж Б.Галтбаатарын нэр дээр “Арвин холдинг” ХХК-ийг нээжээ. Улмаар  хувьцаа эзэмшигч, гүйцэтгэх захиралаар томилон Монголын хөрөнгийн биржийн comex@mse.mn гэсэн и-mail хаягтай ойролцоо өгөгдлөөр шинээр comex@ comex@mse.mn гэсэн хуурамч хаяг үүсгэн, зохиомол байдлыг зориудаар бий болгож, бодит байдлыг нуух замаар хуурамч албан бичиг, мэдэгдэл хүргүүлэн / Энержи ресурс ХХК-аас нүүрс нийлүүлнэ/ гэж Бүгд Найрамдах Хятад Ард Улсын “inner Mongolia Xin Cheng Yi Trading” (Шин Чэнг И Худалдааны) ХХК-тай холбогдон захирал Жиа Данг Сэнги болон Монгол Улс дахь итгэмжилсэн төлөөлөгч Д.Мөнх-Очир нарт итгэл төрүүлэн гэрээний үнийн дүн болох 5 хувь буюу 2 удаагийн гүйлгээгээр 8.260.000 юанийг Монголын Хөрөнгийн биржийн Худалдаа хөгжлийн банкны 413059… дугаартай дансанд шилжүүлж, худалдан авах гэрээг баталгаажуулах талаарх” хуурамч албан бичгийг хүргүүлж , улмаар 3.750.000 юанийг шилжүүлүүлэн хуурчээ.  Үүнээс гадна дахин 2024 оны 10 дугаар сарын 16-ны өдөр гэрээний үнийн дүнд заасан мөнгийг “Арвин холдинг” ХХК-ийн Ариг банк дахь 2111002… дугаарын дансанд шилжүүлнэ үү гэсэн утгатай хурамч албан бичиг үйлдэж хүргүүлсний дагуу 22.550.000 юань, 7.500.000 юан, нийт 12.621.381.042 (арван хоёр тэрбум зургаан зуун хорин нэгэн мянга гурван зуун наян нэг дөчин хоёр) төгрөгийг залилан гэмт хэрэг үйлдсэн байж болзошгүй хэрэг цагдаагийн байгууллагад шалгагдаж байна.Мөн хамаарал бүхий этгээдүүдийн нэр дээр үл хөдлөх болон хөдлөх эд хөрөнгө болох орон сууц, тээврийн хэрэгсэл худалдан авч түүнийг ашиглаж хууль бус эх үүсвэрийг нь нуун далдлах, гэмт хэрэг үйлдэхэд оролцсон этгээдийг нуун дарагдуулсан, мөнгө угаах гэмт хэрэг үйлдсэн гэх албан бус мэдээлэл байна.

Б.Галбаатар, Ууганбаяр нар нь Сонгинохайрхан дүүргийн цагдаагийн газарт хамт ажиллаж байсан аж.

Дээрх залилангийн хэрэг  шалгагдаж эхэлснээс хойш н.Ууганбаяр өөрийн эрхэлж байсан эрүүгийн ахлах мөрдөгчийн ажлыг орхин Монгол Улсын хилээр гарч оргон зайлсан гэдгийг эх сурвалж хэлж байв.

Бид байгууллага удирдаж байгаа хүнд буруу өгөх гэсэнгүй, улс төржүүлэх гэсэнгүй.

Төрд, хууль хүчний байгууллагад шургалсан энэ мэт гэмт хэрэгтэнгүүдийг гаргаж илчилж хариуцлага хүлээлгэх ёстой.

Эх сурвалж: http://tsahimtv.mn/