“Сонсогчид” ОАК үндэсний олон нийтийн телевизээр гарч эхэллээ

Дотоод хэргийн их сургуулийн түүхт 90 жилийн ойг тохиолдуулан “Wsup” media agency-ын уран бүтээлчдийн бүтээсэн “Сонсогчид” ОАК Монголын үндэсний олон нийтийн телевизээр гарч эхлээд байна.

Үзэгчдийн таашаалд нийцэж буй энэхүү шинэ уран бүтээлд 2000 гаруй хүн оролцон тоглосон бөгөөд киноны гол дүрүүд нэг сарын хугацаанд цэргийн анхан шатны сургалтад сууж бэлтгэгдсэнээр дүрээ илүү “амьдруулж” чадсан болохыг мэргэжилтнүүд онцолж байгаа юм.

Цагдаагийн сонсогчдын амьдралын талаар өгүүлэх энэхүү киног бүх насныхан үзэхэд тохиромжтой байхад анхаарч “хараалын үг” хэрэглэхгүй, гэгээлэг, хөгжилтэй өгүүлэмжтэйгээр бүтээжээ.

“Сонсогчид” ОАК нь “Тусгай салаа” ОАК-ноос хойш үндэсний телевизээр гарч буй цэрэг, цагдаатай холбоотой томоохон уран бүтээл юм. Тус олон ангит киноны төгсгөлийн 10 дугаар анги бүх IPTV-д байршаад байгаа аж.