Хийлдэг гудастай хөвж байгаад усанд осолдсон залууг 12 цагийн дараа олжээ

Увс аймаг, Малчин сум Хайрхан багийн "Хар тэрмэс" гэдэг газар Хяргас нуурын усанд хүн осолдсон тухай дуудлага мэдээлэл Онцгой байдлын газарт 09.07-ны өдрийн 20:58 цагт иржээ. 27 настай Х /эр/ нь 20:30 цагийн орчим иргэн "Хяргас" нууранд хийлдэг гудастай хөвж байгаад усанд осолдсон байна. Улмаар тус аймгийн Онцгой байдлын газрын алба хаагчид 09.08-ны өдрийн 07:00 цагаас иргэн Х-ыг эрэн хайх ажиллагааг зохион байгуулж, мөн өдрийн 08:40 цагт нуурын эргээс урд зүгт 8 км-т “Загасны хошуу” гэдэг газраас хийлдэг гудастай хөвж явахад нь эсэн мэнд олж, ар гэрийнхэнд нь хүлээлгэн өгчээ.