Хөрс 20 см гүнд хөлдөж эхлэх хугацааг тооцоолжээ
Ус цаг уур, орчны судалгаа мэдээллийн хүрээлэнгээс хөрс 20 см гүнд хөлдөж эхлэх хугацааг тооцоолон гаргасан байна. Уг тооцооллоор Өмнөговь, Дорноговь, Дорнод, Сүхбаатарын ихэнх, Говь-Алтай, Баянхонгор, Өвөрхангай, Дархан, Сэлэнгэ, Дундговийн зарим нутгаар 11 дүгээр сарын эхээр хөрс хөлдөж эхлэхээр байгаа аж. Харин Увс, Говьсүмбэр, Хэнтийн ихэнх нутгаар 10 дугаар сарын cүүлээр, Баян-Өлгий, Ховд, Завхан, Хөвсгөл, Архангай, Орхон, Булган, Улаанбаатар, Төвийн ихэнх нутгаар 10 дугаар сарын дунд арав хоногт хөрсний гүний хөлдөлт эхлэх төлөвтэй гарчээ.
- Шинэ мэдээ