Г.Батбямба: Шинэ тэнгэр, газар шашинд элссэн ээж минь хоёр жилийн дараа нас барсан
“Шинэ тэнгэр, газар” шашны урсгалд элссэн нэгэн гэр бүлийн гишүүд ээжийнхээ амь насаа алдсан талаарх мэдээллээ олон нийтэд хүргэлээ. Гэр бүлийн том хүү Г.Батбямба хэлэхдээ, ээж нь 2024 оны нэгдүгээр сараас уг сүмд орж, эхэндээ сэтгэл зүйн болон хувь хүний хөгжлийн сургалт гэж ойлгож явсан ч сүүлдээ сүмийн үйл ажиллагаанд идэвхтэй оролцож эхэлсэн гэжээ.
Г.Батбямба сүмд явахгүй гэдгээ хэлэхэд ээж нь уурлаж, худлаа ярих болсон бөгөөд эцэст нь түүнийг сатаны сүнстэй гэж хараан зүхэж эхэлсэн талаар дурдсан байна. Тэрбээр 2025 оны есдүгээр сарын 16-ны өдөр сүм дээр илтгэл тавьж байх үедээ амиа алдсан гэдгийг онцолсон юм.
Тус сургалт нь библи судлал, хувь хүний хөгжлийн сургалт хэмээн ханддаг ч элсүүлсэн хүмүүсийг доороо хүн элсүүлэхийг шаарддаг бөгөөд гудамжинд яваа настай хүмүүсийг зорилтот бүлэг болгон элсүүлдэг аж. Мөн элссэн хүний орлогын 10 хувийг татвар болгон авдаг байна.
Гэр бүлийнхэн нь иргэдийг энэ урсалд элсэхгүй байхыг сэрэмжлүүлж, Монголчууд шашин шүтэх эсэх эрх чөлөөгөө ухамсарлаж, сонголтоо зөв хийхийг уриалж байна.
- Шинэ мэдээ