Улаанбаатар-Дархан чиглэлийн авто замын Хустайн давааны 4.1 км авто замын хучилт дууслаа

Улаанбаатар-Дархан чиглэлийн авто замын “Багц-4” хэсэгт Хустайн давааны 4.1 км авто замын хучилтын ажил өнөөдөр дууссан талаар Зам тээвэр, хөгжлийн дэд сайд Л.Халтар мэдэгдлээ. Одоогоор Улаанбаатар-Дархан чиглэлийн авто замд 5.1 км авто замын хучилт хийгдээгүй байна. Тухайлбал, “Багц-4” хэсэгт Баруунхараагийн Хараа голын гүүрний болон төмөр замын гармын хоёр талд 1.6 орчим км хучилт хийгдээгүй байгаа юм байна. Мөн “Багц-2” хэсэгт 3.5 км авто замын хучилт хийгдээгүй байгаа аж. Шинээр хучсан авто замуудад, замын хөвөө, тэмдэг тэмдэглэгээ хийх ажил үргэлжилж буйг тэрээр хэллээ.