Технологи ашиглан үйлдэж буй хүчирхийллийг хуульчлах шаардлагатай байна

Монгол улсын нийт хүн амын 92 хувь нь цахим сүлжээнд идэвхтэй байдаг. Цахим хэрэглээг дагаад технологид суурилсан хүчирхийллийн тоо жил бүр нэмэгдэж 2021 онд 4825, 2022 онд 8563 буюу 77.5 хувь өссөн үзүүлэлтэй гарчээ. 10 хүүхэд тутмын 3 нь садар самууныг сурталчилсан мэдээлэлтэй тогтмол тааралддаг байна.

Технологи ашиглан үйлдэгдэж буй хүчирхийлэл нь тодорхой орон зайнаас үл хамааран бидний эргэн тойронд доорх хэлбэрээр үйлдэгдэж байна.

1. cuber bulling буюу цахим дээрэлхэлт

2. Цахимаар өдөөн хатгах, доромжлох

3. Бусдыг дарамталж, хувийн цахим хэрэглээний нууц үгийг хулгайлж, харилцаа холбоо, мэдээллийг хянах, хязгаарлах, мөшгих, дарамтлах

4. Нууцаар эсвэл хүчээр гэрэл зураг, дуу-дүрсний, эсвэл дүрсний бичлэг хийж дарамтлах

5. Бэлгийн сэдлээр хүүхэдтэй холбоо тогтоох

7. хүний хувийн мэдээллийг зөвшөөрөлгүйгээр олон нийтэд түгээх

8. Цахим орчинд мөшгих /өнгөрсөн болон одо үеийн амьдралыг/

Хүчирхийллийн эсрэг үндэсний төвд жилд 2,000 орчим хүн хандаж, үүнээс 50 орчим хувь нь цахим орчин дахь хүчирхийлэлд, эсвэл технологийн дэмжлэгтэйгээр үйлдсэн хүчирхийлэлд өртжээ. Иймд технологид суурилсан хүчирхийллийн төрөл хэлбэрийг холбогдох хуулиудад оруулж хүлээх хариуцлагыг чангатгах зайлшгүй шаардлага байгааг албаныхан өнөөдөр болсон “Технологи ашиглан үйлдэгдэж буй жендэрт суурилсан хүчирхийллийн нөхцөл байдал, салбар хоорондын хамтын ажиллагааг өргөжүүлэх нь” хэлэлцүүлгийн үеэр дурьдаж байлаа.