Харь гаригийнхан байдаг уу?

Нисдэг таваг, vл мэдэгдэх нисдэг биет, харь гарагийнхан гэхээр зарим нь инээж байхад зарим нь vнэхээр байдаг юм билээ, би харсан гэх. Хэнийх нь зөв бэ? Энэ талаарх маргаан олон зууны туршид vргэлжилсээр өнөөг хvрлээ. Yгvйсгэгчид болон нотлогчид нь янз бvрийн баримт, жишээ татах биз. Ямартаа ч гэсэн нууцлаг нисдэг биетийн /ННБ/ талаарх мэдээлэл бvр хоёр гурван мянган жилийн тэртээх эртний тvvхийн сурвалж бичгvvдэд тэмдэглэгдэн vлдсэн байдаг нь хөдлөшгvй vнэн. Жишээ болгож "Зигелийн архив" гэсэн нэрээр алдаршсан ННБ-ийн талаарх баримтуудыг цуглуулсан архиваас зарим баримтыг тоочиж байна.

Чин Сан гэгчийн бунхан дээр тэнгэрт нисч байгаа диск хэлбэртэй 7 биетийг мэндчилэн гараа дээш өргөсөн эртний хааны дvрс өнөөг хvртэл хадгалагдан vлджээ.

1999 онд Барсахид нэртэй газраас олдсон 73 ширхэг шавар пайзан дээрх ханз бичээсийг Францын Египет судлаач Жан Люк Бома тайлж уншсан байна. Тэдгээрийн нэг дээр нь "Тэд хот дээгvvр удаан эргэлдэн ниссэн шувуунаас гарч ирсэн билээ. Тэнгэрээс бууж ирсэн хоёр аянчин Ариун газар дээр ёслол vйлдээд бөмбөлөг хэлбэртэй галт шувуунд суугаад тэнгэр өөд асар хурдтай цойлон одов" гэж бичсэн байжээ. Энэ бичлэг нь Нихихор фараоны vед хийгдсэн ажээ. Бичгийг тайлж уншсан судлаач нь юу юугvй ННБ гэж шуугиан дэгдээхийн эсрэг байгаа ч египетийн бичээч нар санаанаасаа ургуулан бичнэ гэж ер байдаггvй, харвал бичнэ, хараагvй бол бичихгvй гэсэн зарчмаар ажилладаг байсныг онцолжээ.

Хотыг эзлэхээр бvслээд байсан македончуудын хvрээн дээр гурвалжин хэлбэрээр жагссан 5 ширхэг бамбай хэлбэртэй нисдэг биет гарч иржээ. Толгойд нь явсан бамбай хэлбэртэй нисдэг биет нь бусдаасаа 2 дахин том байв. Цэргvvд тэднийг гайхан ширтэх vед гэнэт аянга шиг зvйлээр харван хотын ханыг хэсэг газар нураажээ. Цэргvvд боломжийг ашиглан дайран орж финикчvvдийн бут ниргэв. /Дройсен Жиованни "Аугаа Александрын тvvх"./

Эртний Грекийн алдарт тvvхч Плутарх эдгээр хотуудын дээр бамбай болон жад хэлбэртэй асар том нисдэг биетvvд гарч ирээд хэсэг хугацаанд тус тусдаа нисч байгаад удалгvй нийлж нэг биет болсон тухай өгvvлсэн байдаг.

557 он. Хятад. Тэнгэрт өнцөг гарган ниссэн сонин биет харсан талаар сурвалж бичигт тэмдэглэн үлдээжээ.

Зигибург цайзыг бүслэх үед тэнгэрт диск хэлбэрийн нисдэг биет гарч ирэхийг сурвалж бичигт тэмдэглэн үлдээжээ. [Schneider A. Besucher aus dem All. Freiburg, 1976].

Урт гонзгор хэлбэртэй нисдэг биетийг ажиглажээ. /Piens Ch. Les OVNI du passe. Marabout Belgique, 1977/

Тэнгэрт урт гонзгор хэлбэртэй сонин биетүүд хэд хэдээрээ үзэгдсэн байна. /Piens Ch. Les OVNI du passe. Marabout Belgique, 1977.

Сүмийн цаг тооллын бичигт «лам нар дээгvvр нь хавтгай зуйван хэлбэртэй асар том мөнгөлөг өнгийн зvйл удаанаар нисэн өнгөрөхийг хараад маш их айв» гэж латинаар тэмдэглэн vлдээсэн байдаг.

1235 он. Япон. Иорицума жанжин өөрийн армийн хамтаар дийз хэлбэртэй нисдэг биетvvд тэнгэрт янз бvрийн дvрс vvсгэн нисэхийг бvтэн шөнийн турш харж зогссоноо тэмдэглэн vлдээжээ.

1535 он. Швед. Стокгольм. Тэнгэрт гэнэт диск хэлбэртэй 5 биет гарч ирсэн бөгөөд тэднийг зураг Сткогольмын катедрал дуганд хадгалагдаж байдаг.

Хотын иргэдийг харж байхад олон тооны нисдэг «хэрээс, дөрвөлжингvvд» болон дотроосоо галт бөмбөлөг гаргах цилиндр хэлбэрийн хоёр зvйл нь олон тооны улаан, хар, хөх өнгийн диск, бөмбөлөгvvдтэй бvтэн цагийн турш тулаан хийж байгаад гэнэт алга болжээ.

Гэрэлтдэг бөмбөгөр биет Мюнстерийн дээр янз бvрийн дvрс vvсгэн нисч байгаад нэг газар хэсэг хөдөлгөөнгvй зогсоод алга болжээ. Энэ бvхнийг Ромын пап лам 5-р Пий ажиглаж байжээ.

Энэ жижиг хотын архиваас католик шашны инквизиц /тэрс vзэлтнийг илрvvлэн цээрлvvлэх байгууллага/ -аас тус хотод аж төрж байсан Алехандро Лотергалиссимо гэгчийг байцаасан протоколыг 2000 онд олсон байна. Ногоо зарж амь зогоодог энэ эр тэнгэрээс галт бөмбөлөг бууж ирэхийг харсан тухайгаа таарсан хvн болгонд ярьж яваад инквизицид баригдаж байцаагдсан байна. Тэрээр тэнгэрээс бууж ирсэн галт бөмбөлөг нь сонин туяа цацруулж байсан, туяа нь тvvн дээр тусахад хөдөлгөөнгvй болсон бөгөөд дараа нь туяа цацрахаа болиод бөмбөлөг асар хурдтайгаар тэнгэр цойлон алга болсон гэж ярьж байжээ. Гэвч байцаалтын явцад ногооны худалдаачин маань юу ч хараагvй, санаанаасаа зохиож худал цуу тараасан гэж нvглээ наминчилсан байж. Гэхдээ хэрэв vнэхээр харсан гээд гvрийгээд байсан бол инквизицийн шvvхээс мань эрийг чөтгөртэй нөхөцсөн гээд тvvдэг гал дээр шатааж алах байсан болохоор урт хошуу хvзvv ороох юм байна гээд өмнө нь ярьж байсан зvйлээсээ татгалзаж, амьд гарахыг дээрд vзсэн биз.

1-р Петр хааны vед Орост Нидерландын хааны элчээр сууж байсан барон де Би гэгчийн нутагтаа илгээсэн мэдээнд ННБ-vvтийн хооронд тулаан болсон талаар ийнхvv өгvvлжээ./Энэ мэдээ нь одоо ОХУ-ын Тэнгисийн цэргийн архивт хадгалагдаж буй/ "Оройн 9 цагийн vед тэнгэр цэлмэг байхад гэнэт зvvн хойд зvгээс шовх орой, өргөн суурьтай сонин хэлбэрийн өтгөн vvл гарч ирээд асар хурдтайгаар тэнгэрийг хаягаар нислээ. Yvнтэй зэрэгцэн өөр яг адил нэг vvл хойд зvгээс гарч ирээд дорно зvг нисч, нөгөө vvлнийхээ өрнөд талаас ньт тулж очив. Хоёр vvлийг ойртох vед тэдний хооронд сонин гэрлэн багана vvсч нэлээд хэдэн минут болсон. Дараа нь тэр хоёр асар хvчтэйгээр мөргөлдөж, хагарах шиг болоход мөргөлдсөн цэгт нь тал бvр тийш цацрах гэрлийн туягаар сийчигдсэн утаа vvссэн. Yvний хажуугаар асар хурдтай хөдөлж, өөрөөсөө гал гаргах олон жижиг vvлс ажиглагдаж байсан. Мөн олон жижиг хурц сумнууд гэнэт гарч ирсэн. Харсан хvн болгон vvнийг ямар нэгэн арми, эсвэл далайн флотуудын хооронд болж байгаа тулаантай төстэй байсан гэдгийг онцолж байв. Энэ vзэгдэл 25 минут орчим vргэлжилж оройн 10 цаг гэхэд тэнгэр буцаад цэлмэг болсон байлаа."

Боомтын дээгvvр нисч явсан далайн усан онгоцноос багагvй хэмжээтэй ННБ-ийн зургийг авчээ. Магадгvй энэ нь ННБ-ийн хамгийн анхны гэрэл зураг байх.

1942 оны 5-р сар. Герман. Пенемюнде дэх пуужийнгийн бааз. ФАУ-1 пуужингийн бааз дээгvvр ННБ-vvд хэд хэдээрээ vзэгдэх болжээ. Норвегийн Банак онгоцны буудлаас хөөргөсөн Ме-109 сөнөөгч онгоцны нисгэгч нь ийм нэгэн ННБ-д нэлээд ойртсон бөгөөд байгаа "100 метрийн урт, 15 метрийн диаметртай сигар хэлбэртэй, олон төрлийн антеннтай биет" гэж тодорхойлсон байдаг.

1943 он. ЗХУ. Прохоровка тосгон. Дэлхийн тvvхэнд гарч байсан хамгийн том танкийн тулаан энэ тосгоны дэргэд болсон гэдгийг уншигч мэдэж байгаа байх. Тэгвэл энэ тулаанд оролцон амьд vлдсэн ахмад дайчид нь тулаан эхлэхийн өмнөхөн тосгоны ойролцоох тэнгэрт маш том диск хэлбэртэй биет агаар дээр удаан тогтож байгаад ниссэн одсон гэж нотолдог.

1944 оны 2-р сар. Герман. Куммерсдорф бааз. Шинээр зохион бvтээсэн ФАУ-2 пуужингийн туршилтын хөөргөлтийн зураг авч байсан кино операторууд нь пуужингийн оройг тойрон нисч байсан бөмбөлөг хэлбэртэй зvйлийн зургийг санамсаргvйгээр авсан байснаа хальс угаасныхаа дараа мэджээ.

1952 оны 12-р сар. АНУ. Техас муж. Ларедогийн орчим.Ф-51 сөнөөгч онгоцны нисгэгч дэслэгч Фогль нь диск хэлбэртэй нисдэг биетэд дөхөх гэж оролджээ. Гэтэл ННБ нь гэнэт өөрөө ойртон Фоглийн онгоцын тойрон нисч эхэлсэн байна. Аргагvй байдалд орсон нисгэгч өөрөөс нь хурдаар илvv ННБ-тэй тулаан хийжээ. Диск хэсэг хугацаанд Фоглийн онгоцоор "зугаа" хийж байгаад бага хурдтайгаар холдох гэхэд нь нисгэгч араас нь хөөх оролдлого хийсэн байна. Гэтэл ННБ нь гэнэт эргэн эгц өөдөөс нь дайрахад нисгэгч арайхийн онгоцоо баруун тийш болгоход далавчных нь vзvvрийг шvргээд өнгөрчээ. ННБ агаар дээр эргэж ахин дайралт хийх гэхэд нь Фогль онгоцоо яаралтай газардуулснаар эсэн мэнд гарчээ.

1972 оны 4-р сар. Сарны гадаргуй «Аполлон-16» сансрын хөлгийн багийнхан сарны ойролцоох тойрог зам дээрээс нь сарны гадаргуйн орчимд хоёр талаасаа шовх vзvvртэй сигар хэлбэртэй, цагаан өнгийн маш урт зvйл нисч яваа зургийг авсан байна. НАСА-гийн каталогт энэ зураг нь N 16-19238 кодын дор хадгалагдаж байгаа. Энэ мэтээр жирийн ярианаас өгсvvлээд олон тооны багаж, төхөөрөмжийн заалтаар батлагдсан хvртэл олон баримт бий. Монголд ч гэсэн энэ талаар нэлээд яриа байдаг. Гэвч харсан vзсэн гэх хvмvvс нь гол төлөв ННБ-ээр далимдуулан ашиг хонжоо хайгчид байсан болохоор ННБ-д итгэх итгэл нэлээд алдарсан гэхэд болно.

Ямартаа ч бvр 1950-аад оны vед Говь-Алтай аймагт ННБ vзэгдсэн төдийгvй, машинтай хvмvvс рvv дайрсан талаарх яриа нэг бус удаа сонсож байсан. Ийм яриаг 1970-д он буюу цаг хэцvv, хамаагvй юм ярьвал "аавын" хаалга татдаг vед сонссон, ярьж байгаа хvмvvс нь ямар нэг ашиг хонжоо, дуулиан дэгдээх гэлгvй зvгээр өөр хоорондо санал солилцох хэлбэрээр яригдаж байсан болохоор vнэний хувьтай байх магадлал өндөр байж болох юм. Хэрэв vнэхээр ийм юм болсон бол До. яамнаас өгсvvлээд холбогдох газрууд нь хэргийн газар очиж vзлэг шалгалт хийсэн байх ёстой. Yнэхээр сонирхол татууштай баримт олдсон боловч өдгөө хүртэл Оросууд олон нийтэд тэрхүү баримтыг харуулахгүй нууцалсаар байгаа гэнэ.

Эх сурвалж: ufo.mn