Танин мэдэхүй: Монгол орны усны хагалбарын гол голомт бол дэлхийн усны эхлэл цэг юм

Монгол орныг дэлхийн гурван ай савын усны хагалбар гэдэг. Тэгвэл эдгээрийн хамгийн гол хагалбар нь Хэнтийн нурууны үргэлжлэл Цогтчандмань уул юм. Энэ уулын араас буусан ус Туул голоор дамжин Хойд мөсөн далайд нийлнэ. Харин зүүн урдаас буусан ус Хэрлэнгээр дамжин Номхон далайд, баруун урд талаас буусан ус нь дотоодын урсгалгүй савд орж нийлдэг байна.

Цогтчандмань уул хотоос 64 км зайд Төв аймгийн Эрдэнэ сумын урд захад Жанчивлангийн рашаан сувилал орох замд Цогтын давааны баруунаа орших энэ уул дэлхийн гол мөрний 3 их ай савын эхлэл цэг болохыг манай газарзүйчид, ус судлаачид олон жилийн өмнө тогтоожээ.