3333 сурагч, Ардын уран зохиолч Д.Пүрэвдоржийн “Тусгаар тогтнол” шүлгийг уншлаа

Өнөөдөр буюу 04 сарын 04-нд "Оюуны ундраа цогцолбор" сургуулийн 3333 сурагч хүүхдүүд Монгол Улсын газрын зураг хэлбэрээр зогсож, Ардын уран зохиолч Д.Пүрэвдоржийн “Тусгаар тогтнол” шүлгийг  Сүхбаатарын талбайд уншлаа.Тус сургуулийн хамт олон энэхүү үйл ажиллагааг 2017 оноос эхлэн жил бүр уламжлал болгон зохион байгуулсаар ирсэн байна.

Энэ удаа зөвхөн нийслэлд төдийгүй хөдөө орон нутгийн 21 аймгийн төвд "Тусгаар тогтол" шүлгийг нэг цагт нэгэн зэрэг "Оюуны ундраа цогцолбор сургуулийн" ахлах ангийн 108 сурагч очиж уншиж байгаа ажээ. 

"Тусгаар тогтнол" шүлгийг Монгол хүүхэд бүр мэддэг байх ёстой, Монголын өв соёл, эх хэл, эх орон энэ шүлэгт бүхлээрээ шингэсэн тул ирээдүй хойч үедээ Монгол улсын тусгаар тогтнол, эрх чөлөөний үнэ цэнэ, утга учрыг ойлгуулах, өнгөрсөн ирээдүй, хойч үеийн оюун санааны нэгдлыг хангах, эх оронч үзлийг төлөвшүүлэх, эх хэлний соёлыг өвлүүлэхэд хөтөлбөрийн зорилго оршиж байгаа юм" хэмээн тус сургуулийн захирал С.Нэргүйдаваа онцлов.  

Тус хөтөлбөр нь дараа жилээс эхлэн Монгол улсын аймаг бүрт дамжин хэрэгжих бөгөөд Хэнтий аймаг шилжин явах цомыг гардан авсан юм.