Монгол цэргийн нэгдсэн холбоо, Геронтологийн үндэсний төв хамтран ажиллах гэрээ байгууллаа

Монгол цэргийн нэгдсэн холбооны Ерөнхий нарийн бичгийн дарга Ц.Тогоо өнөөдөр (2026.03.27) Геронтологийн үндэсний төвийн удирдлагыг МЦНХ-ны төв байранд хүлээн авч уулзлаа. Уулзалтаар хоёр байгууллага хамтран ажиллах чиглэлийн талаар тохиролцож, хамтран ажиллах гэрээ байгуулав.

Энэхүү гэрээний хүрээнд төрийн цэргийн болон хууль сахиулах байгууллагын алба хаагч, ахмад настнуудын эрүүл мэндийг хамгаалах, урьдчилан сэргийлэх арга хэмжээг үе шаттай хэрэгжүүлэх, мөн ахмадуудад эрүүл мэндийн сургалт явуулах сургагч багш бэлтгэх чиглэлээр хамтран ажиллахаар боллоо.