Лижянь-1 Яо-8 зөөгч пуужинг Өвөрмонголоос амжилттай хөөргөлөө
10-р сарын 19-ний 11 цаг 33 минутад Хятадын Шинжлэх ухаан технологийн сансарын Лижянь-1 Яо-8 зөөгч пуужингаар ӨМӨЗО-ны Эзнээ хошууны нутаг дахь Дүнфэн хиймэл дагуул хөөргөх төвөөс гурван хиймэл дагуул хөөргөв. Нэг пуужингаар Пакистаны зайнаас тандан судлах хиймэл дагуул 02, Хятадын шинжлэх ухаан технологийн хиймэл дагуул 03, 04 хэмээх гурван хиймэл дагуулыг амжилттай хөөргөв.
Энэ бол Лижянь-1 пуужингийн ес дэх нислэг юм. Өнөөдрийг хүртэл Лижянь-1 нь товлосон тойрог замд 73 хиймэл дагуулыг нарийн байрлуулсан бөгөөд нийт ачааны жин нь 9 тонноос давсан байна. Лижянь-1 нь харь гаригт дагуул хөөргөх Хятадын цорын ганц арилжааны пуужингийн хувьд саяхан Мексикийн ThumbSat-1 болон ThumbSat-2 хиймэл дагуулуудыг энэ оны наймдугаар сард тойрог замд оруулсан юм. Одоогоор Лижянь-1 олон улсын захиалгыг тасралтгүй биелүүлж, Ази, Европ, Хойд Америк, Ойрхи Дорнод болон бусад бүс нутагт хөөргөх үйлчилгээ үзүүлж, Хятадын арилжааны пуужинг дэлхийтэй холбосон сансрын гүүр болж байна.
Лижянь-1-ийн ахлах зохион бүтээгч Ши Шяонин хэлэхдээ, Лижянь-1 нь есөн удаагийн хөөргөлтөөр зах зээлд олон төрлийн хөөргөх үйлчилгээ хангажээ.
Лижянь-1 пуужингийн командлагчийн орлогч Мэн Шянфү хэлэхдээ, Лижянь-1 пуужинг хөөргөсөн нь иргэний болон арилжааны салбарт гаргасан хамгийн өндөр амжилт юм. Хиймэл дагуул хөөргөх болгонд хиймэл дагуулыг пуужин дээр байрлуулах, салах цаг, тойрог замын дизайн, салсны дараах мөргөлдөхөөс зайлсхийх зэрэг олон сорилтуудыг багтаасан системийн инженерчлэлийн цогц ажил юм. “Лижянь-1”-ийн анхны нислэг зургаан хиймэл дагуулыг амжилттай хөөргөж, “Яо-2” пуужин мөн 26 хиймэл дагуул хөөргөсөн нь тухайн үед олон хиймэл дагуул хөөргөж, дотоодын дээд амжилт тогтоож байлаа.
Энэ удаа хөөргөсөн хоёр хиймэл дагуул нь Хятадын шинжлэх ухааны хиймэл дагуулын шинжлэх ухаан технологийн групп ХХК-ийн бүтээсэн X-band SAR зайнаас тандан судлах хиймэл дагуулууд юм.
Зохиогч: ЛИ ШЯ, Л. НАРАНХҮҮ, С.САРАНЧИМЭГ
Найруулагч: С.САРАНЧИМЭГ
Эх сурвалж: ӨМӨС
- Шинэ мэдээ
1 Сэтгэгдэл