Ашиглаагүй удсан цамхагт краныг буулгалаа

Нийслэлийн Баянзүрх дүүргийн 1 дүгээр хорооны нутаг дэвсгэрт байрлах Нийслэл Өргөө  ХХК-ийн цамхагт краныг энэ сарын 09-13-ны өдрийн хооронд дүүргийн цагдаагийн II хэлтэс, Газар зохион байгуулалтын албатай хамтран буулгав.

Краныг буулгах ажлыг мэргэжлийн тусгай зөвшөөрөлтэй Машин механизм ХХК гүйцэтгэсэн. Тус кран удаан хугацаагаар зогсож зэврэлт ихтэй байсан тул технологийн дагуу буулгах боломжгүй болсон тул бүх эд ангийг хэсэгчлэн  буулгаж, Баянзүрх дүүрэг дэх Нийслэлийн журмын хашаанд хүлээлгэн өглөө.