Хөдөлмөрийн хөлсний доод хэмжээг 792 мянган төгрөг болгоно

ГБХНХ-ын сайд Л.Энх-Амгалан өөрийн цахим хуудаснаа "ХӨДӨЛМӨРИЙН ХӨЛСНИЙ ДООД ХЭМЖЭЭГ 792 МЯНГАН ТӨГРӨГ БОЛГОЖ, 20 ХУВИАР НЭМЭГДҮҮЛЭХ ШИЙДВЭР ГАРГАЛАА" хэмээн мэдэгдлээ.Гэр бүл, хөдөлмөр, нийгмийн хамгааллын яам, Монголын Үйлдвэрчний Эвлэлийн холбоо, Монголын Ажил олгогч, эздийн холбоодын хамтарсан Хөдөлмөр, нийгмийн түншлэлийн үндэсний хорооны хурлаар хөдөлмөрийн хөлсний доод хэмжээг 2025 оны дөрөвдүгээр сарын 1-нээс эхлэн 20 хувь буюу 792 мянган төгрөг болгож нэмэгдүүлэх шийдвэр гаргажээ. Мөн 2026 оноос хөдөлмөрийн хөлсний доод хэмжээг 1 сая төгрөгт хүргэх талаар санал гаргасан байна.
Өнөөдрийн байдлаар хөдөлмөрийн хөлсний доод хэмжээ нь 660 мянган төгрөг байгаа юм. Цаашдаа бүтээмж дагаж цалин нэмэгддэг байх тогтолцоо руу шилжинэ гэлээ.