ХЭҮК-ын дарга Ж.Бямбадорж: Гөлөгнүүдтэй гөлөг шиг харьцаж байж ялдаг
Хүний эрхийн үндэсний комиссын дарга Ж.Бямбадоржийн “Зөв амьдрах ухаан” ТББ-ын тэргүүн Г.Загдаатай утсаар ярьсан ярианы бичлэг олон нийтэд задарлаа. Уг ярианы бичлэгт ХЭҮК-ын даргын амнаас хэзээ гарамгүй зүй зохисгүй зүйл дурдагдсан нь олон нийтийн сүлжээнд дуулиан тарьж байна.
Тухайлбал, Ж.Бямбадорж дарга “Би чамд нөхрийн хувьд хэлье. Зарим үед гөлөгнүүдтэй гөлөг шиг харьцаж байж ялдаг шүү дээ. Чи юу эс андах вэ. Би чиний асрамжид байгаа хүмүүсийг хэлж байна шүү” гэсэн нь олон нийтийн уур бухимдлыг төрүүлэв.
Г.Загдаагийн “Зөв амьдрах ухаан” ТББ-ын асрамжид архины хамааралтай олон жил амьдарсан 110 гаруй хүн, 40 гаруй хүүхдийнхээ хамт амьдардаг бөгөөд тэдгээр хүмүүстэй хүн шиг биш гөлөг харьцаж болно хэмээн ХЭҮК-ын дарга хэлж байгаа нь зүй зохисгүй үйлдэл мөн билээ.
Одоогоос хэдхэн сарын өмнө ХЭҮК-ын гишүүн П.Оюунчимэг гэх эмэгтэй “Би хэнийг ч шоронд хийлгэж чадна. Тэрэн шиг амархан зүйл байхгүй. Би ганц утасдаад л ийм юм боллоо. Энийг барь гэж хэлэхэд хангалттай” хэмээн бусдыг дарамталж буй ярианы бичлэгийг манай сайт олон нийтэд анх дэлгэсний зэрэгцээ ХЭҮК-ын гишүүн П.Оюунчимэг нь сүүлийн гурван жилийн турш ямар ч тусгай зөвшөөрөлгүйгээр өөрийнхөө эзэмшлийн зочид буудлын доод давхарт охид бүсгүйчүүдийг тайчуулж, тэдний биеийг үнэлүүлж буй баримтыг илчилсэн билээ.
- Шинэ мэдээ
4 Сэтгэгдэл