Нэрт математикч П.Энхболдын нэрэмжит Улсын математикийн XVII уралдаан ирэх сард болно

НЕБ-ын 32 дугаар сургууль нь 1965 онд байгуулагдсан. Эдүгээ 2025 онд 60 жилийнхээ ойтой золгож байна. Тус сургууль нь 1997 онд Монгол улсын гэгээрлийн яамны шийдвэрээр “Математикийн гүнзгийрүүлсэн сургалттай" сургууль болсон. Энэ статусаар хамран сургах тойргийнхоо болон хотын хэмжээнд элсэлт авч сургах эрхтэй болж. мөн оны 10 сарын 21-ний өдрийн ХУД-ийн Засаг даргын 397 дугаар захирамжаар “Математик эдийн засгийн гүнзгийрүүлсэн сургалттай” бүрэн дунд сургууль болж үйл ажиллагаагаа явуулсан.

2000 оны 11 сарын 29-ний өдөр НИТХ-ын тэргүүлэгчдийн 24 дүгээр тогтоолоор нэрт математикч Пагважавын Энхболдын нэрэмжит сургууль болсон. П.Энхболд нь 1976 онд Х.Хандсүрэн багипай 1а ангид элсэн суралцаж, тооны хичээлдээ илүү сонирхолтой сэтгэхүй сайтай сурагч байсан. Нэрт математикч П.Энхболдын нэрэмжит XVII улсын уралдаан нь:

I.П.Энхболдын 1975 оны улсын математикийн олимпиадын аварга болсны 50 жилийн ой

II.32 дугаар сургуулийг П.Энхболдын нэрэмжит болгосны 25 жилийн ой III.Төрөлх 32 дугаар сургуулийн 60 жилийн ой гэсэн 3 онцлог түүхэн тэмдэглэлт үйл явдал тохиож байгаагаараа онцлогтой юм. Уралдаанд ерөнхий боловсролын 2-12 дугаар ангийн сурагчид, бага боловсролын багш нар, их дээд сургууль, ерөнхий боловсролын сургуулийн багш нар, оюутан, математик сонирхогчид оролцох чөлөөт ангилал зэрэг өргөн хүрээгээрээ улсын математикийн төрөлжсөн олимпиадаас ялгаатайгаар зохион байгуулагддаг. П.Энхболдын нэрэмжит математикийн улсын уралдаан математик гадаад хэлний төрөлжсөн сургалттай нийслэлийн 32 дугаар сургууль дээр явагдана. Уралдааныг БЕГ, П.Энхболд сан, НЕБ-ын 32 дугаар сургууль хамтран зохион байгуулна.

УРАЛДААН ЯВАГДАХ ХУГАЦАА:

2025.04.07 -ны өдөр 10:00 цагт- 5, 7 дугаар ангийн ангилал 13:30 цагт- 2, 6,12 дугаар ангийн ангилал 2025.04.08-ны өдөр 10:00 цапг- 4, 8,10 дугаар ангийн ангилал 13:30 цагт- 3, 9,11 дүгээр ангийн ангилал 2025.04.09-ний өдөр 10.00 цагт - Чөлөөт ангилал 13:30 цагт - Бага ангийн багшийн ангилал явагдана.