ОХУ-ын алдарт уран нислэгийн үзүүлбэрийн баг Монголд ирнэ

Монгол Улсад Нисэх хүчин үүсэж хөгжсөний 100 жилийн ой энэ 2025 оны 05 дугаар сарын 25-ны өдөр тохиох гэж байна. Энэхүү түүхэн үйл явдлыг тохиолдуулан ОХУ-ын алдарт уран нислэгийн үзүүлбэрийн “Стрижи” баг МиГ-29 загварын сөнөөгч онгоцоор агаарт гайхамшигтай, давтагдашгүй үзүүлбэрээ толиулахаар болжээ.

“Стрижи” уран нислэг үзүүлбэр нь манай хоёр орны найрамдалт харилцаа, батлан хамгаалах салбарын хамтын ажиллагааг улам бэхжүүлж, залуу хойч үедээ эх оронч үзэл, нисэх хүчнийг сурталчлахад үнэтэй хувь нэмэр оруулна гэж үзэж буй юм.