Тээврийн жолоочийн эхнэрээс коронавирус илэрч, нийт тохиолдол 35 боллоо
Эрүүл мэндийн яамнаас мэдээлэл хийж байна.
ХӨСҮТ-ийн ерөнхий захирал Д.Нямхүү, ХӨСҮТ-ийн хоёр лабораторид өчигдөр 330 хүний шинжилгээ хийсэн. 4-р сарын 8-нд Сөүлийн онгоцоор ирсэн 281 хүний давтан шинжилгээгээр вирус илрээгүй. Тандалтын зорилгоор Чингэлтэй, Сүхбаатар, Сонгинохайрхан дүүргийн эмнэлэгт хэвтэж байгаа томуугийн шинж тэмдэгтэй 25 хүнд шинжилгээ хийхэд коронавирус илрээгүй.
4-р сарын 21-нд батлагдсан нэг иргэний ойрын хавьтал 24 хүнийг тогтоож шинжилгээ хийхэд 23 хүнд вирус илрээгүй. Тээврийн жолоочийн машины бүхээгт хамт явсан эхнэрээс коронавирус илэрлээ. Монголд коронавирусийн халдвартай нь батлагдсан хүний тоо 35 болсноос, найман хүн эдгэрч эмнэлгээс гарсан, 27 хүн эмчлүүлж байна.
Жолооч хүн бүхээгтээ ганцаараа явах дүрэм номоо барих ёстой. Халдварын тохиолдол гаднаас зөөвөрлөгдөн орж ирлээ. Тиймээс иргэд тайвширч анхаарал сулруулахгүй, амны хаалт зүүж, бээлий өмсөж явахыг дахин сануулмаарбайна. Өөдрөг сайхан сэтгэлээр коронавирусийн халдварыг даван туулъя, ялъя. Энэ халдварыг амжилттай даван туулсны дараа аялал жуулчлалын бизнес, нүүдэлчдийн монгол малын мах үнэд орох юм. хамтаараа амжилт гаргая. Монголчууд 3.3 саяулаа, цөөхүүлээ өргөн уудам газар нутагтай. Таран байрлах боломжтой, хөдөө аль нэг тал нутагт ах дүү, хамаатан садныдаа очоод хэвтэх боломжтой давуу талтай улс орон юм.
А.Амбасэлмаа, Коронавирусийн халдварын 34, 35 дахь тохиолдол ОХУ руу тээвэр хийдэг жолооч нар. Гэр бүлийн хүмүүс бөгөөд эхнэртэйгээ хамт олон улсын тээвэрт явж байжээ. Энэ хүний хавьтал 49 хүнийг тогтоосон. Сэлэнгэ аймгаас хавьтал болох 12 хүний шинжилгээний хариу ирж байгаа. Замын-Үүдээс мөн шинжилгээний хариу ирнэ. Ойрын хавьтал бөгөөд Улаанбаатарт ирсэн 24 хүний шинжилгээний хариу сөрөг гарсан.
Энэ жолооч тусгаарлагдаж байсан. 16-ны өдөр Алтанбулагийн боомтоор 32 машин ирснээс 21 нь орос хүн учир ачаагаа буулгаад буцсан. Жолооч нарыг замдаа зогсох, уулзахаас сэргийлэх хоёр талдаа цагдаагийн хяналтын дор Улаанбаатарт оруулж ирсэн.
Сүүлийн 24 цагт ОХУ-д 5642 тохиолдол бүртгэгдэж, 51 хүн нас барлаа. Нийт халдвар авсан хүний тоо 51 мянга давлаа. Өвчлөлийн 3000 гаруй тохиолдол нь Москва хот болон Москвагийн орчимд тархжээ. 1222 хүн ажиглалтад байна. Шинээр 38 хүн ажиглалтад орж, 43 хүн ажиглалтаас гарчээ.
Б.Янжмаа, Япон улсад өнгөрсөн 24 цагт 390 шинэ тохиолдол, нас баралт 20 бүртгэгдлээ. Халдварын тархалт өндөртэй байгаа гадаадын орны иргэдийг Япон улс өөрийн улсад нэвтрүүлэхгүй байх шийдвэрийг мягмар гарагт гаргалаа.
Сингапур улс халдварын тархалтын 2 дахь давалгаанд нэрвэгдэж, халдвар авсан хүний тоо 9000 давжээ. Гадаадын цагаач ажилтан халдвар тараасан бөгөөд цагаач ажилчдын нийт 43 байрны талаас илүүд нь халдвар тархсан байна.
Холбоотой мэдээ
- Шинэ мэдээ
10 Сэтгэгдэл