Үерийн эрсдэлээс сэрэмжлүүлж байна

Цаг уур, орчны шинжилгээний газраас дараах сэрэмжлүүлгийг хүргэж байна.

Сэлэнгэ мөрөн Орхон голын эх болон Хангай нурууны арын Идэр, Хануй, Хойттамир, Орхон, өврийн Хожуул, Завхан, Онги, өврийн Богд, Буянт, Завхан, Хэнтий нурууны баруун хажуугаас усжих Туул голын эх, Алтай нуруунаас эхтэй Ховд, Увс нуурын савын Тэс зэрэг голуудын усны түвшин өмнөх өдрийнхөөс 5-45 см нэмэгдэж, олон жилийн дундаж түвшинг 10-30 см, Бүгсий, Үенч, Ховд, Идэр, Орхон гол Хархорин сум орчимд үерийн түвшинг 5-15 см даван тус тус үерлэж байна.

Иймд дээрх голуудын сав дагуу нутаглаж буй малчид, тариаланчид, аж ахуйн нэгж байгууллага, ард иргэдийг үерийн аюулаас сэрэмжтэй байхыг анхааруулж байна.