Увс аймагт газар хөдөлжээ

Увсаймгийн Сагил сумын Өндөр мод багийн “Цагаан шувуут” гэдэг газар өнгөрсөн шөнө буюу 2020 оны тавдугаар сарын 12-ны 00:25 цагт 4.0 магнитутын хүчтэй газар хөдлөлт болсон байна. Энэ тухай мэдээллийг ООГХ-ээс мөн өдрийн 00:40 цагт цахим шуудангаар хүлээн авчээ.

Тус аймгийн Онцгой байдлын газраар дамжуулан тус сумын Засаг даргын Тамгын газрын дарга Б.Баянмөнхөөс тодруулахад тухайн газар нь хилийн ойролцоо /сумын төвөөс баруун зүгт 64 км-т, Ө-50°29’24”, У-90°43’48”/ бөгөөд иргэдэд газар хөдлөлтийн чичирхийлэл мэдрэгдээгүй, учирсан хохиролгүй гэж мэдээлсэн байна.