Цахим шилжилтийг салбар бүрд эрчимжүүлэх шаардлагатай

Инновац цахим бодлогын байнгын хорооны гишүүд 5 дугаар сарын 1-ээс мөрдөгдөж эхэлсэн Цахим хөгжлийг дэмжих тухай хуулиудыг батлуулсан. Энэ хүрээнд хуулийн хэрэгжилт, салбарын яамны хийж хэрэгжүүлж буй ажил, барьж буй бодлого, цаашид хийхээр төлөвлөж буй ажлын талаар мэдээлэл авч, санал солилцлоо.

Дэлхий нийтээрээ мэдээлэл технологи, цахим хөгжилрүү хурдацтай тэмүүлж буй энэ цаг үед Монгол улс цахим шилжилтийн загвар орон болж манлайлал үзүүлж байгаа. Цахим шилжилтийг эрчимжүүлэхийн тулд бид эрүүл мэнд, банк, санхүү, хөдөө аж ахуй, уул уурхай гэх мэт бүхий л салбарт цаг алдалгүй цахим шилжилтийг эхлүүлж, тулгамдсан асуудлыг цогцоор нь шийдэх хэрэгцээ шаардлагатай байна.

Ингэснээр иргэд, аж ахуй нэгжийн төрөөс авдаг бүх үйлчилгээ цахимжиж, үүнийгээ дагаж хүнд суртал, авлига, холбогдох асуудлууд цэгцэрч зөв гольдролд орно.

Тиймээс байнгын хорооны гишүүд, баг хамт олон цахшид мэргэжлийн яамтай нягт уялдаа холбоотой ажиллаж, асуудлыг цаг алдалгүй шийдвэрлэх, бодлогын дэмжлэг үзүүлэх болно.