ЭЕШ-д шавь нар нь өндөр оноо авсан гурван багшийг Говь-Алтай аймаг 20 сая төгрөгөөр шагнажээ
Говь-Алтай аймгийн Засаг дарга ЭЕШ-ын амжилт болон улсын уралдаанд шавь нараа бэлтгэн шагналт байр эзлүүлсэн багш нар, аймгийн “Монгол бичгийн анги олимпиад”-д шалгарсан анги хамт олон, сургуулийн өмнөх боловсролын ур чадварын уралдаанд шалгарсан багш нарыг урамшуулжээ.
Тодруулбал ЭЕШ-ын дундаж оноогоор хамгийн өндөр шалгагдсан Есөнбулаг сумын лаборатори нэгдүгээр сургуулийн багш Б.Түвдэндорж, Ч.Дэлгэрмаа, “Хантайшир-Эрдэм” цогцолбор сургуулийн физикийн багш Л.Нямбаяр нарт тус бүр 20 сая төгрөгийн мөнгөн шагнал олгосон байна.
Мөн ЭЕШ-д хамгийн олон сурагч бэлтгэн оролцуулж нэг сурагч нь 100 хувийн гүйцэтгэлтэй шалгагдсан нэгдүгээр сургуулийн математикийн багш Н.Доржмаад долоон сая, бэлтгэсэн сурагч нь 800 оноо авсан нэгдүгээр сургуулийн нийгмийн ухааны багш Ү.Баярмааг таван сая төгрөгөөр гээд нийт 80 багш, 11 сургууль, 21 сургалтын менежер, 74 сурагчид 350 сая төгрөгийн урамшуулал олгожээ.
"Говь-Алтай аймгийг 2021-2025 онд хөгжүүлэх таван жилийн үндсэн чиглэл, 2020-2024 оны үйл ажиллагааны хөтөлбөрт тусгагдсан тэргүүлэх дөрвөн чиглэлийн нэг болох “Боловсролын чанарыг сайжруулах” хөтөлбөр. Уг хөтөлбөрийн хүрээнд амжилт гаргасан багш, сурагчдыг урамшуулан дэмжих “Багш-Эрдэнэ” ёслол хүндэтгэлийн арга хэмжээг зохион байгуулсан"-ыг Аймгийн Засаг даргын Тамгын Газраас мэдээллээ.
- Шинэ мэдээ
1 Сэтгэгдэл