Хөгжлийн банкны гэх хэргийн шүүх хуралдааныг өнөөдөр үргэлжлүүлж, шийдвэр танилцуулна
Монгол Улсын дээд шүүхийн хяналтын шатны эрүүгийн хэргийн шүүх хуралдаанаар Хөгжлийн банкны гэх тодотголтой 80 хүн, 4 хуулийн этгээдэд холбогдох 540 хавтаст хэрэг бүхий хэргийг прокурорын эсэргүүцэл болон нэр бүхий 41 шүүгдэгч, тэдгээрийн өмгөөлөгч нарын гаргасан гомдлыг үндэслэн хэлэлцэж байна.
Шүүх бүрэлдэхүүн 2024 оны 12 дугаар сарын 2-ноос 3-ны хооронд шүүгдэгч, өмгөөлөгч, прокурорын гаргасан гомдол, эсэргүүцэл, хууль зүйн дүгнэлт, саналыг сонсож, улмаар 4-ний өдрөөс эхлэн шүүх бүрэлдэхүүн зөвлөлдөх тасалгаанд шилжин хуралдаж, анхан болон давж заалдах шатны шүүхийн шийдвэрийг хянаж байгаа юм.
Хяналтын шатны шүүх хуралдааныг өнөөдөр буюу 2024 оны 12 дугаар сарын 11-ний өдрийн 14 цаг 00 минутад Монгол Улсын дээд шүүхийн шүүх хуралдааны Их танхимд үргэлжлүүлэн явуулж, шийдвэр танилцуулах тул оролцогч нар товлосон хугацаанд шүүх хуралдаанд хүрэлцэн ирэхийг Дээд шүүхээс мэдэгдлээ.
- Шинэ мэдээ