ЭМЯ: Сүүлийн 24 цагт 76 мянган хүн шинээр халдвар авч, 3000 гаруй хүн нас барсан байна
Монгол Улсад коронавирусийн халдвар болон сэжигтэй тохиолдол нэмж бүртгэгдээгүй гэдгийг албаныхан мэдээллээ.
Манай улсад нийт зөөвөрлөгдөн орж ирсэн 42 тохиолдол батлагдсан бөгөөд үүнээс 14 нь эдгэрч эмнэлгээс гарсан. 28 хүн эмчилгээнд хамрагдаж байгаагаас хоёр хүний биеийн байдал хүнд байгааг ХӨСҮТ-ийн Тандалт судалгааны албаны дарга А.Амбасэлмаа, хэллээ.
Өчигдөр ХӨСҮТ-ийн 2 лаборатори, Дархан-Уул аймгийн салбар 1 лабораторид 107 шинжилгээ (PCR) хийжээ. Тодруулбал, ХӨСҮТ болон нийслэлийн ажиглах байруудад байгаа хүмүүст, мөн Дорноговь, Дархан-Уул аймагт тусгаарлагдсан 82 хүний давтан шинжилгээг хийхэд коронавирусийн халдвар илрээгүй. Алтанбулаг боомтоор ирсэн ачаа тээврийн 25 жолоочид хийсэн шинжилгээнд мөн халдвар илрээгүй байна.
Өнгөрөгч дөрөвдүгээр сарын 30-ны өдөр Сөүл-Улаанбаатар чиглэлийн тусгай үүргийн онгоцоор ирсэн хүмүүст 2-3 удаагийн давтан шинжилгээ хийгээд байгаа аж.
ХӨСҮТ-д 107 хүн эмчилгээ, шинжилгээ, хяналт, тандалт, судалгаанд хамрагдаж байгаа бол улсын хэмжээнд ажиглалтын байруудад нийт 986 хүн ажиглалтанд байна.
Холбоотой мэдээ
- Шинэ мэдээ
2 Сэтгэгдэл