ОХУ-аас импортолдог шингэрүүлсэн хийн үнэ өссөн нь шатахууны үнэтэй холбоотой гэв

Зураг (жишээ зураг: шингэрүүлсэн хийн сав): FBenjr123 / Wikimedia Commons, CC BY-SA 4.0

Шатахууны шуурхай штабаас цаг үеийн асуудлаар мэдээлэл өгөх үеэр шингэрүүлсэн шатдаг хий буюу газын үнийн талаар сэтгүүлч асуулт тавьжээ.

Аж үйлдвэр, эрдэс баялгийн яамны газрын дарга Ч.Хишигдалай «Сүүлийн үед газрын тосны бүтээгдэхүүний үнэ дэлхийн зах зээл дээр өссөн. Газ бол газрын тосны бүтээгдэхүүний нэг төрөл» гэж хариулсан байна.

Түүний хэлснээр, Монгол Улс нэг тонн шингэрүүлсэн шатдаг хийг 400–500 орчим ам.доллароор ОХУ-аас импортолдог байсан бол сүүлийн үеийн нөхцөл байдалтай холбоотойгоор импортын үнэ нэмэгдсэн. Нийлүүлж буй үйлдвэрлэгчийн үнэ ойролцоогоор 800 орчим ам.доллар болоод байна. Үүнтэй холбоотойгоор шатахууны адил шингэрүүлсэн шатдаг хийн үнэ тодорхой хэмжээгээр нэмэгдэж байгаа аж.

Ч.Хишигдалай «Гэхдээ энэ нь цаг зуурын асуудал байх гэж найдаж байна» гэсэн. Учир нь 9–11 сард ОХУ-ын газар тариалан, тариа хураалт, түүнийг боловсруулахтай холбоотой шингэрүүлсэн шатдаг хийн хэрэглээ эрс нэмэгддэг. Үүнийг дагаад ОХУ-ын дотоодын зах зээлд шингэрүүлсэн шатдаг хийн үнэ нэмэгдсэн гэж тэрбээр тайлбарлажээ.

Дээрх тоо баримт нь яамны албан тушаалтны хэлсэн мэдээлэл бөгөөд хэрэглэгчдэд борлуулж буй жижиглэнгийн үнийн өөрчлөлтийн талаар тодорхой тоо мэдээлэлд дурдаагүй байна.