Украины нийслэлд дахин дэлбэрэлтийн шинэ давалгаа болсон тухай Strana.ua зэрэг тус улсын хэвлэлүүд мэдээлж байна

Даваа гарагийн өглөө Киев, түүнчлэн Украины бусад бүс нутаг, тэр дундаа Днепропетровск муж, Одесса, Харьков зэрэг хотод хэд хэдэн дэлбэрэлт болсон талаар орон нутгийн хэвлэлүүд мэдээлсэн. Украины Ерөнхийлөгч Владимир Зеленскийн хэлснээр, агаарын дайралт улс даяар намжихгүй байгаа тул Украин улсын хэмжээнд агаарын түгшүүр зарлажээ.

Агаарын цохилтын цар хүрээ баруун Украинаас зүүн хязгаар, өмнөдөөс умард хүртэл нэгэн зэрэг өрнөж байгааг хэвлэлүүд онцолж байна.

Киев, Полтава, Ровне, Черкассы, Сумы, Житомир мужууд , Днепропетровск, Харьков , Кривой Рог, Хмельницкий, Ивано-Франковск , Тернополь, Львов хотод дэлбэрэлт болсон нь одоогоор албаны эх сурвалжаас баталгаажиж байна. Агарааын цохилтод өртсөн ихэнх хот дулаан цахилгаагүй болжээ.

Крымийн гүүрэн дээр дэлбэрэлт болохын өмнө тус гүүрийг нураана гэж Украины удирдлагууд заналхийлж байсан бөгөөд Оросын талаас ийм тохиолдолд Украины шийдвэр гаргах төвүүдийг цохино гэж анхааруулж байсан.