Эрдэмтэд: Электрон тамхи хэрэглэснээр зүрх гэнэт зогсох эрсдэлтэй
Электрон тамхи хүний зүрх судасны системд хэрхэн нөлөөлдөг талаар Луисвиллийн их сургуулийн эрдэмтэд судалсныг Nature Communications сэтгүүлч мэдээлжээ.
Сэтгүүлд бичсэнээр, эрдэмтэд никотингүй пропиленгликоль, ургамлын глицерин болон никотинтой үнэрт шингэн гэсэн электрон тамхины хамгийн их ашиглагддаг шингэнүүдийг судалжээ. Туршилтын явцад, туршилтын амьтан электрон тамхины уурыг сорох үед зүрх агших давтамж буурч, дараа нь хурдасч байсан гэнэ. Мөн гааны амттай шингэн эсвэл гагцхүү пропиленгликолиос бүрдэх шинэгн нь хэм алдагдах болон зүрхний ажиллагаа доголдох бусад эмгэгүүдийг үүсгэж байсан аж
Улмаар электрон тамхи бие организмд багахан хугацаанд нөлөөлсөн ч энэ нь зүрхний хэм алдагдуулах эрсдэлтэй гэсэн дүгнэлтийг эрдэмтэд гаргажээ. Энэ нь электрон тамхинд агуулагдах хэд хэдэн химийн бодисын сөрөг үр нөлөөтэй холбоотой юм байна. Эдгээр бодис нь зүрх гэнэт зогсоход ч нөлөөлж болзошгүй гэж эрдэмтэд өгүүлжээ.
Холбоотой мэдээ
- Шинэ мэдээ