Чэжүгийн онгоцонд осолдсон зорчигчдын ихэнх нь аяллын багцад хамрагдсан байжээ

Банкок-Мүан чиглэлд ниссэн Jeju air-ийн онгоц өчигдөр /2024.12.29/  газардахын өмнөхөн шувуун сүрэгтэй мөргөлдөж, араанд гэмтэл учирсан ба эхний оролдлогоор газардах боломжгүй байсан, хоёр дахь оролдлогыг хийсэн боловч хөөрөх зурвасын ойролцоо байгууламжийг мөргөж 09:07 цагт том хэмжээний осол боллоо.

Уг онгоцонд нийт 181 хүн байсан бөгөөд одоогоор 167 хүн нас барж 2хүн аврагдсан,12 хүн хараахан олдоогүй байна. Зорчигчдын ихэнх нь ижил овогтой хүмүүс нэг дор суусан байгааг харахад гэр бүлээрээ аялж явсан хүмүүс бөгөөд тэд шинэ он угтах Банкокын багц аялалд хамрагдсан гэр бүлийн гишүүд байжээ.

Осолдсон онгоцны зорчигчдын нэрсийн жагсаалт гарсан аж. Зорчигчдын дунд 21 онд төрсөн хүүхэд хүртэл байж. 175 зорчигчоос 173 нь Солонгос, 2 нь Тайландын иргэн байсан гэнэ.