ӨМӨЗО-ны эмч нар монголчуудад үнэ төлбөргүй үзлэг оношилгоо хийлээ

Хятад Улсыг танин мэдэх- Өвөр Монголын соёлын өдрүүд энэ жил 13 дахь удаагаа зохион байгуулагдаж байгаа билээ. Энэхүү соёлын өдрүүдийн нэг хэсэг нь ӨМӨЗО-ны Хөх хотын Олон улсын Монгол эмнэлэгийн зөвлөх 7 эмч  энэ сарын 17, 18-ны өдрүүдэд Улсын нэгдүгээр эмнэлэг болон Чингэлтэй дүүргийн нэгдсэн эмнэлэгүүдэд байрлан иргэдэд үнэ төлбөргүй үзлэг, оношилгоо хийж байна.

Тэд уламжлалт анагаах ухааны дотор, мэдрэл, зүрх, үе мөчний чиглэлээр үзлэг хийж, зүү, монгол эмийн эмчилгээ зэрэг тусламж үйлчилгээ үзүүллээ.

Энэхүү үзлэгийн үеэр уламжлалт анагаах ухааны эмч, мэргэжилтэн, резидент эмч нар дагалдан суралцаж, ур чадвараа дээшлүүлж байгаа юм.

Тус үзлэгт давхардсан тоогоор 300-аад хүн хамрагдсан бөгөөд хэрхэн эмчилгээгээ үргэлжлүүлэх талаар зөвөлгөө мэдээлэл өгч Өвөр Монголын Монгол эмнэлэгт зорин очиж үйлчлүүлэх бол  хөнгөлөлт урамшуулал өгөх талаар мэдэгдэж байлаа.